top of page
  • Writer's pictureMohamed Ahmed

إيه أفضل الممارسات التسويقية اللي لو اتبعتها في عيادتي أقدر أعتبر إني ماشي على الطريق الصحيح؟


إنشاء موقع إلكتروني:

وجود موقع إلكتروني خاص بيك يعتبر هو "واجهتك الإلكترونية"، عشان كدة من المهم التأكد من بعض التفاصيل

جودة التصميم تقنياً و بصرياً:

  • جودة التصميم بتفرق في الصورة الذهنية عند مستخدم موقع العيادة أو المستشفى.. وبالأخص في التخصصات الجمالية واللي فيها قدر من الرفاهية.. زي الطب التجميلي و طب الأسنان.

غني بالمعلومات الموثقة:

  • إن موقعك يكون غني بالمعلومات التوعوية دة مش هيخلي المريض يستغنى عنك.. لأنه في نهاية الأمر المريض مش هيعالج نفسه.. ولما تديله حاجة مجاناً دة هيخلق نوع من الولاء بينه و بينك و هتكون أنت اختياره الأول.

سهل الاستخدام:

  • سهولة الاستخدام في أي شيء ضرورية.. و لكن بالأخص في التسويق الطبي.. لأن كون معلوماتك معقدة لا يعني بالمرة إن أسلوب عرضها يكون معقد.


التركيز على محركات البحث SEO

في ظل حالة من التنافسية العالية على الإنترنت بين كل الأطراف من كل التخصصات.. فمن الضروري إنك تكون مدرك إزاي تقدر تبرز و تظهر وسط كل دول.. واللي من ضمن وسائلها هي استخدام كلمات في موضوعك يفهم منها محرك البحث إن موضوعك مفيد و مُثري للقاريء و بالتالي يبدأ في ترشيح موقعك للمستخدمين.


خليك نشيط على وسائل التواصل الاجتماعي.

أحد السلوكيات اللي أنتشرت بين المرضى مؤخراً و بالأخص في تخصصات الأسنان و التجميل لما حد يرشحلهم دكتور جديد هو سؤالهم عن "ال Instagram بتاعه" واللي أصبح كتير من الدكاترة معتبرينه بمثابة ال Portfolio بتاعهم.. دة غير كتير من الأمثلة التانية هتلاقيها على Tik Tok و Youtube و غيرها من المنصات.. شهرتها كلها قائمة على دة.. و بالتالي.. ضروري تعرف إزاي تكون متواجد على المنصات دي و إيه أكتر صورة تتناسب مع ال Persona بتاعتك.


Word-of-Mouth

لا تزال ال word-of-mouth أو "السمعة المتناقلة بين المرضى"هي أحد أقوى أدوات التسويق.. ولو عندك شك.. فجرب تعمل مقارنة بين دكتور لقيتله بس إعلان على Facebook و ودكتور تاني حد من أسرتك أتعالج عنده وحقق بفضل الله نتايج كويسة.

وبالتالي.. حتى في عصر ال Social Media.. لا تزال ال Word Of Mouth هي المرجح الأبرز لنجاحك


كل الأمثلة دي نحب نأكد مرة تانية إنها على سبيل المثال و ليس الحصر.. وعملية بناء علامة تجارية أو حتى التسويق لعيادتك أو المستشفى الخاص بيك هي عملية تراكمية بتتطلب بناء و استثمار طويل الأجل.. وبالتالي.. إمشي صح.. ولكن لا تتعجل..


تابعونا عشان تعرفوا كل جديد

تقدروا تزوروا موقعنا:

https://www.valyou-adv.com/

أو تتواصلوا معانا على الرقم التالي

+201126201165

أو من خلال whatsapp

‏https://wa.me/2+201126201165

و ممكن تسيبولنا رسالة هنا وإحنا هنتواصل معاكم


5 views0 comments

Comentários


bottom of page