top of page
  • Writer's pictureMohamed Ahmed

نظارة أبل الجديدة: ثورة في عالم التسويق والإعلان؟



ما هي نظارة أبل الجديدة؟

في يونيو 2023، أعلنت شركة أبل عن إطلاق نضارتها الأولى للواقع المختلط تحت اسم نظارة Apple Vision Pro ، وهي نظارة بتدعم تقنيات الواقع الافتراضي والواقع المعزز، وبتتيح للمستخدم تجربة محتوى وتطبيقات بطريقة طبيعية وسلسة.. بطريقة تانية.. نقدر نقول إنها بداية النهاية لعصر الشاشات زي ما البعض بيتوقع.. كل التطبيقات هتشوفها و تلمسها.. في الهوا! و عشان كدة ابل وصفت النظارة أنها "المنتج الأكثر طموحا" على الإطلاق.


تاثير Apple Vision Pro على التسويق والصناعة الإعلانية

ولكن إيه هو تأثير النظارة دي على عالم التسويق والإعلان؟ وازاي هتغير طريقة تواصل العلامات التجارية مع الجمهور؟ وإيه هي الفرص والتحديات اللي بتواجه المسوقين والمعلنين؟


من المتوقع أن نظارة أبل الجديدة تفتح آفاق جديدة للتسويق والإعلان، ودة لأنها بتتيح للعلامات التجارية إنشاء حملات مبتكرة بتستخدم الواقع المختلط لجذب وإشراك الجمهور بطرق مكانتش ممكنة قبل كدة.


تخيل تكون قاعد في اوضتك في مصر تقرر تدخل محل ملابس شهير في فرنسا.. وتبدأ تتجول في المحل و تقلب بين الارفف و تحدد مقاسك و تشتري و تتصور باللبس حتى قبل ما تشتريه أو يوصلك.. وكل دة و أنت متحركتش من مكانك!


تحديات في صناعة محتوى مناسب لنضارة أبل الجديدة

من ناحية تانية، فانتشار الاختراع دة هيشكل تحديات جديدة ، ودة لأن تصميم محتوى يتناسب مع نظارة أبل بيتطلب تقنيات ومهارات وخبرات وموارد جديدة لإنتاج محتوى دعائي يتناسب معاها..ودة بجانب وجود منافسة شديدة من شركات تانية شغالة في نفس المجال، زي ميتا (المعروفة سابقا باسم فيسبوك)،ومايكروسوفت، وجوجل، وغيرها.


التطور التكنولوجي أسرع من أي وقت سابق

في النهاية.. معدل التطور التكنولوجي أصبح أسرع من زمان بسنين.. عشان كدة كلها مسألة وقت و يتنشر الاختراع الجديد و يعيد تشكيل حياتنا.. و يصبح أمر واقع.. سواء حبيته أو لا.. فالتغيير جاي.


قولولنا من رأيكم.. إزاي نضارة أبل الجديدة Apple Vision Pro ممكن تلعب دور في تغيير شكل التسويق و الصناعة الإعلانية خلال السنين الجاية؟

هنستنى رأيكم في الcomments ومتنسوش تتابعوا ال Blog للمزيد من المقالات

4 views0 comments

Yorumlar


bottom of page